അതെ നിങ്ങളാരെങ്കിലും തിരുവനന്തപുരത്ത് വരുന്നുണ്ടോ? അതോ ഇവിടുണ്ടോ? ഇവിടെ ഇപ്പോള്‍ നിശാഗന്ധി ഫെസ്റിവല്‍ നടക്കുവാ. എന്താ പരിപാടികള്. ഞാന്‍ ഇന്നലെ പോയിരുന്നു. നമ്മുടെ പദ്മശ്രീ ഗീതാ ചന്ദ്രന്റെ ഭരതനാട്യം. കലക്കനയിരുന്നൂട്ടോ. അതിനു മുന്‍പ് ഒരു കുട്ടിയുടെ മോഹിനിയാട്ടം ഉണ്ടായിരുന്നു .ഇത്തവണ യൂത്ത് ഫെസ്ടിവലിന് സമ്മാനം കിട്ടിയ കുട്ടിയെ. പേരെനിക്കറിയില്ല. അതും അങ്ങട് കലക്കി കോരി അടിച്ചു. നല്ല ഭാവി ഉണ്ടതിന്. ദൈവം അനുഗ്രഹിക്കട്ടെ. ഇന്ന് ഗസല്‍ ആണ്. Talat Aziz ന്റെ. എന്ത് വന്നാലും ഞാന്‍ അതിനു പോകും. ഒരു നല്ല ഗസല്‍ കേട്ടിട്ട് ഒരുപാടു നാളായി( പിന്നെ ഇയാള് വല്യപുള്ളിയല്ലേ ). എന്താണെന്നറിയില്ല ഗസല്‍ കേട്ടാല്‍ ഞാന്‍ ഇരുന്നു കരയും ( ഇതൊരു രോഗമാണോ ഡോക്ടര്‍ ). ഇന്ന് വൈകിട്ട് കരയാന്‍ പോകുവാണ് . എങ്ങനെ കരയാതിരിക്കും .ഇതൊക്കെ കേള്‍ക്കുമ്പോള്‍ മനസ്സില്‍ ദൂരദര്‍സന്റെ സ്മ്രിതിലയം നടക്കും. പണ്ടു പ്രേംനസീറിനെ പോലെ മരംച്ചുട്ടിനടന്നതൊക്കെ തള്ളി തള്ളി പുറത്തേക്കു വരും(കൂടെ ഷീല ,ശാരദ എന്നിവരുണ്ടേ ). ഒക്കെ എവിടെ ആണോ എന്തോ? ഞാന്‍ മാത്രം ഇവിടെ ബാക്കി. ഇപ്പോള്‍ കാടെല്ലാം വെട്ടി തെളിച്ചത് കൊണ്ട് ചുറ്റാന്‍ മരങ്ങളൊന്നും ഇല്ല .വല്ലപ്പോഴും (note the point) വെള്ളമടിച്ചു പാമ്പായി പോസ്റ്റില്‍ കയറി ചുട്ടാറുണ്ട് അത്രമാത്രം

കുമ്പസാരം

ഒരു ബ്ലോഗും ഉണ്ടാക്കി ഒരുപോക്ക് പോയതാണ്, പിന്നെ ഈ വഴി വന്നിട്ടില്ല. പെട്ടെന്ന് ഒരുദിവസം ഈ വഴി പോയപ്പോള്‍ (അതും ഒരു വര്‍ഷത്തോളം കഴിഞ്ഞു) എന്റെ പേരില്‍ ഒരു ബ്ലോഗ് എന്നാല്‍ ഒന്ന് കയറി നോക്കാമെന്ന് വച്ചു. ഒരു വര്‍ഷം മുന്‍പ് ഞാന്‍ പടച്ചു വിട്ടതൊക്കെ ഉണ്ട് കൂടാതെ 8 കംമെണ്ടും. ഈശ്വരാ എന്റെ ബ്ലോഗിന് കംമെണ്ട് ചെയ്യാനും ആളോ. നന്ദി , ഈ എളിയവനെ കണ്ട എല്ലാവരോടും .......ഇനി ഞാനുണ്ടാവും എങ്ങും പോവൂല്ല അമ്മച്ചിയാണേ സത്യം